AMBASSADORS OF CHRIST 'KWETU PAZURI' SASA WAPIGA HATUA NYINGINE,

• Saturday, 26 July 2014

Ambassadors wakiwa kwenye sare za kupendeza wakati wakirekodi album mapema jumanne usiku wiki hii.Kwa mara nyingine kwaya ya Ambassadors of Christ ya nchini Rwanda siku ya jumanne wiki iliyopita ilirekodi dvd yake live huko Kigali nchini Rwanda ikipewa jina la 'Ibatebuli recording concert' na kuhudhuriwa na mamia ya wapenzi wa kwaya hiyo ambayo walivaa sare zao nadhifu na zenye kupendeza.Tukio hilo la kurekodi ambalo jina lake 'Ibatebuli' ni lugha ya Tonga inayozungumzwa nchini Zambia na Malawi linamaanisha wavunaji ikiwa ni tafsiri ya wimbo wao maarufu wa 'Abasaruzi' ambao kwasasa pia umetafsiriwa kwa lugha hiyo ya Tonga ikiwa ni kupanua wigo zaidi wa injili kwa kwaya hiyo ambayo ilipokelewa kwa kishindo nchini Zambia mwishoni mwa mwaka jana ilipokwenda kutoa huduma licha ya kwamba Zambia ina kwaya zenye nguvu na uimbaji maridadi.Kwaya hiyo ambayo imekuwa ikitoa album zake kwa lugha ya kwao kinyarwanda pamoja na kiganda huzitafsiri nyimbo zao kwa lugha ya kiswahili pia jambo ambalo si tu linaongeza wigo wa uinjilishaji lakini pia mapato ya kwaya hiyo yanaongezeka na kuwawezesha kusonga mbele na huduma yao. Ambapo kwasasa wameanza mikakati ya kuimba lugha nyingi zaidi ikiwemo hiyo ya Tonga ili kuwafikia watu wengi zaidi ili wamjue Mungu.(P.T)

Yusto akiimba huku sura ikiwa imejaa matumaini wa kile akiimbacho.

Flora pamoja na Pepe wakiimba kwa furaha.

Jimmy mmoja kati ya solo wa muda mrefu akipaza sauti yake kumtukuza Mungu.

Joseph naye hakuwa nyuma kumtukuza muumba wake.

KJ Marcello akiimba kwa tabasamu kubwa. Ndiye mmiliki wa picha zote.

Ambassadors wakiimba.

Picha ya pamoja baada ya huduma.

Ambassadors of Christ Choir ©Kj Marcello na Habari hii kwa hisani ya Mtandao wa Gospel Kitaa