MKOA WA DODOMA KUZINDUA MRADI WA KUKABILIANA NA UPUNGUFU WA DAWA KATIKA HOSPITALI NA ZAHANATI KESHO;

Mkoa wa Dodoma unatarajia kuzindua  Mradi wa Kuboresha na kuimarisha mfumo wa uuzaji na usambazaji wa dawa katika wilaya zote.

 

Hatua hiyo inalenga  kuboresha na Kuimarisha Mfumo wa Afya ili kukabiliana na upungufu wa huduma za dawa katika Hospitali ,Vituo vya Afya na Zahanati katika Mkoa wote wa Dodoma.

Kwa mujibu wa taarifa kwa vyombo vya habari iliyotolewa leo mjini Dodoma chini ya Mradi wa Tuimarishe Afya wa Uswis na Tanzania , duka mmoja la  dawa litasaidia usambazaji wa dawa za binadamu inapotokea upungufu katika Bohari  Kuu  ya Dawa(MSD) .

Taarifa hiyo imetaja kuwa Duka la hilo ni  Bahari la mjini Dodoma  ambalo ndio  limechaguliwa baada ya taaratibu za manunuzi kufuatwa , hatimaye kupewa jukumu usambzaji  wa dawa katika Hospitali na Vituo vya Afya ili kukabiliana na upungufu wa dawa.

Mkoa wa Dodoma kwa kushirikiana na Mradi wa Kukuza na kuimarisha Mfumo wa Afya (HPSS)  umeadhamiria kukabiliana na tatizo la upatikanaji wa huduma za  dawa kwa wananchi kwa kutafuta duka la dawa litakalosaidia kusambaza na kuuzia wilaya zote endapo itatokea MSD hawana dawa zinazohitajika.

Taarifa hiyo imesisitiza kuwa hatua hiyo ni mwanzo wa juhudi mbalimbali za Serikali na wadau wengine za kukabiliana na upungufu wa dawa katika maeneo mbalimbali kwa ajili ya kuboresha afya za wananchi na kuimarisha ustawi wa Taifa kwa ujumla.

Aidha taarifa hiyo imeongeza kuwa katika makubaliano huo wahudumu watatakiwa kuzingatia taratibu zote zinazosimamia huduma za uuzaji na usambzaji wa dawa ili kulinda afya za wananchi.

Uzinduzi wa mpango huo unaratajiwa kufanyika katika Hotel ya Dodoma  kesho.